شام: ادلب میں 30 دہشت گردوں کی ہلاکت
مقدس دفاع نیوز ایجنسی کی رپورٹ کے مطابق، روس کی وزارت دفاع نے ہفتے کی رات ایک بیان میں اس خبر کی تصدیق کی ہے کہ شام کے صوبے ادلب میں روس کا ایک سوخو پچّیس قسم کا جنگی طیارہ گر کر تباہ ہو گیا اورطیارے کا پائلٹ بھی مارا گیا ہے۔
روسی وزارت دفاع کے مطابق یہ جنگی طیارہ میزائلوں کے داغے جانے کے نتیجے میں تباہ ہوا۔
روسی وزارت دفاع کا کہنا ہے کہ روس کے گر کر تباہ ہونے والے طیارے کا پائلٹ اپنی جان بچانے میں کامیاب ہو گیا تھا تاہم دہشت گردوں کے ساتھ فائرنگ کے تبادلے میں مارا گیا۔
واضح رہے کہ روس، شامی حکومت کی باضابطہ درخواست پر دو ہزار پندرہ سے دہشت گردوں کے خلاف جنگ میں شام کی مدد کر رہا ہے اور شام کی بشار اسد حکومت کے ساتھ روس اور ایران کا تعاون ہی دہشت گردوں کو شکست دینے میں بنیادی وجہ بنا ہے۔
لنک کاپی کر دیا گیا تھا۔
آپ کی رائے
