مقدس دفاع نیوز ایجنسی کی رپورٹ کے مطابق، اسلامی جمہوریہ ایران کی پارلیمنٹ کے اسپیکر علی لاریجانی نے صوبہ فارس کے دورے کے دوسرے روز کہا کہ ایران شہداء کے خون اور عوام کی حمایت کی وجہ سے دن بدن پیشرفت کر رہا ہے اور ایک ایسے علاقے میں جہاں سب امریکہ کے نوکر تھے بانی انقلاب اسلامی حضرت امام خمینی (رح) نے ایرانی عوام کو نجات دی اور اب ایران کا اسلامی انقلاب دوسروں کیلئے رول ماڈل بن گیا ہے۔
ایران کی پارلیمنٹ کے اسپیکر نے کہا کہ ہم نے جوہری معاہدہ عوام پر دباو کم کرنے کیلئے کیا اور اب ایران کے دشمن عوام کومایوس کرنے کیلئے ایرانی قوم پر شدید دباو ڈالنے کی کوشش کر رہے ہیں۔
علی لاریجانی نے کہا کہ دشمن کا مقصد ایران کی آزادی اور سلامتی کو داو پر لگانا ہےاور اس مقصد کیلئے اس نے ایران کے مغرب اور جنوب مشرق میں گروہوں کومسلح کیا لیکن سپاہ پاسداران انقلاب اسلامی کی وجہ سے وہ ابھی تک اپنےمذموم مقاصد میں کامیاب نہیں ہوئے۔
پیغام کا اختتام/
