اپ ڈیٹ: 09 January 2023 - 07:55

اقوامِ متحدہ: کشمیر کی صورتحال پر تشویش کا اظہار

اقوامِ متحدہ کے سیکریٹری جنرل اینتونیو گوٹیرس نے ہندوستان کے زیر انتظام کشمیر کی صورتحال پر تشویش کا اظہار کیا ہے۔
خبر کا کوڈ: ۲۶۷۵
تاریخ اشاعت: 14:14 - October 01, 2018

اقوامِ متحدہ: کشمیر کی صورتحال پر تشویش کا اظہارمقدس دفاع نیوز ایجنسی کی بین الاقوامی رپورٹر رپورٹ کے مطابق، اقوامِ متحدہ کے سیکریٹری جنرل اینتونیو گوٹیرس نے ہندوستان کے زیر انتظام کشمیر کی صورتحال پر تشویش کا اظہار کرتے ہوئے  کہا کہ وہ  اس مسئلے پر موجود عدم اتفاق کو ’مثبت مذاکرات‘ کے ذریعے پرامن طریقے سے حل کرنے کی حوصلہ افزائی کرتے ہیں۔

اقوام متحدہ کے سیکریٓٹری جنرل آج سے ہندوستان کا 3 روزہ دورہ کررہے ہیں جہاں وہ ہندوستان کے صدر رام ناتھ کووند، وزیراعظم نریندرامودی اور وزیرِ خارجہ سشما سوراج سے ملاقاتیں کریں گے۔

واضح رہے کہ دو روز قبل اقوام متحدہ کے ہیڈ کوارٹر کے باہر کشمیری برادری نےبھرپور احتجاج کیا۔ اقوام متحدہ کے ہیڈ کوارٹر کے سامنے ہونے والے مظاہرے میں شریک افراد نے مسئلہ کشمیر کے فوری حل کا مطالبہ کرتے ہوئے اقوام متحدہ کے سیکریٹری جنرل سے مطالبہ کیا تھا کہ وہ ہندوستان کے زیر انتظام کشمیر میں کشمیریوں کے خلاف ہونے والی کارروائیوں کا نوٹس لے۔ 

 کشمیر میں حزب المجاہدین کے کمانڈر برہان وانی کی ہلاکت کے بعد حالات کشیدہ ہو گئے۔  

پیغام کا اختتام/

آپ کا تبصرہ
مقبول خبریں