سعودی عرب کو اسلحے کی سپلائی بند کرنے کا مطالبہ

مقدس دفاع نیوز ایجنسی کی بین الاقوامی رپورٹر رپورٹ کے مطابق، آکسفام کے جاری کردہ بیان میں کہا گیا ہے کہ یمن میں ہر تین گھنٹے میں ایک عام شہری مارا جارہا ہے اور بہت سے لوگ بھوک اور بیماریوں کی وجہ سے اپنی جان سے ہاتھ دھو رہے ہیں۔

بیان میں یہ بات زور دے کر کہی گئی ہے کہ امریکہ، برطانیہ اور دیگر یورپی ممالک جنگ یمن میں عام شہریوں کی جانوں کے تحفظ کے لیے، سعودی عرب کو اسلحے کی سپلائی بند کردی جائے۔

آکسفام پندرہ خیراتی اداروں پر مشتمل ایک بین الاقوامی تنظیم ہے جو دنیا کے اٹھانوے ملکوں میں غربت، بھوک اور بمیاریوں کے خلاف جدوجہد کر رہی ہے۔