کابل میں بم دھماکے میں افغان سکیورٹی فورس کے ترجمان سمیت 3 افراد ہلاک

مقدس دفاع نیوز ایجنسی کی رپورٹ کے مطابق افغانستان کے دارالحکومت کابل  میں بم دھماکے میں افغان سکیورٹی فورس کے ترجمان سمیت 3 افراد ہلاک ہوگئے ہیں۔  افغان وزارت داخلہ کے مطابق کابل کے علاقے کرتینا میں آج صبح سڑک کنارے نصب بم پھٹنے سے 3 افراد ہلاک ہوگئے ہیں، ہلاک ہونے والے تینوں افراد کا تعلق  پبلک پروٹیکشن فورس سے تھا، ان میں ترجمان ضیا ودان بھی شامل تھے جو اپنی گاڑی میں دفتر جارہے تھے۔

ذرائع کے مطابق دھماکے میں ایک شہری زخمی ہوا جسے فوری طور پر طبی امداد کے لیے قریبی اسپتال منتقل کردیا گیا۔ دھماکے کے نتیجے میں گاڑی مکمل طور پر تباہ ہوگئی ہے ۔