اپ ڈیٹ: 20 June 2021 - 18:22
پاکستان کے وزیر اعظم عمران خان نے متعلقہ حکام کو ہدایت دی کہ رمضان المبارک میں اشیائے ضروریہ کی دستیابی اور قیمتوں کی سخت نگرانی کی جائے۔
خبر کا کوڈ: ۴۴۶۷
تاریخ اشاعت: 16:37 - April 14, 2021

پاکستان کے وزیر اعظم کی رمضان المبارک میں اشیائے ضروریہ کی دستیابی اور قیمتوں پرنگرانی کی ہدایتمقدس دفاع نیوز ایجنسی نے ایکس پریس کے حوالے سے نقل کیا ہے کہ پاکستان کے وزیر اعظم عمران خان نے متعلقہ حکام کو ہدایت دی کہ رمضان المبارک میں اشیائے ضروریہ کی دستیابی اور قیمتوں کی سخت نگرانی کی جائے۔ وزیر اعظم عمران خان کی زیر صدارت رمضان المبارک کے پیش نظر اشیائے ضروریہ کی دستیابی اور قیمتوں کے حوالے سے اعلیٰ سطح کا  اجلاس منعقد ہوا جس میں وفاقی وزراء محمد حماد اظہر، سید فخر امام، عمر ایوب خان، معاونین خصوصی ڈاکٹر ثانیہ نشتر، ڈاکٹر شہباز گل، متعلقہ وزارتوں کے سیکریٹریز، چیئرمین ایف بی آر، چیف کمشنر اسلام آباد اور مینیجنگ ڈائریکٹر یوٹیلٹی اسٹوری کارپوریشن شریک ہوئے جب کہ  ویڈیو لنک سے صوبائی چیف سیکریٹری صاحبان شریک ہوئے۔

مینیجنگ ڈائریکٹر یوٹیلیٹی اسٹوری کارپوریشن نے اجلاس کو آگاہ کیا کہ 20کلو آٹے کا تھیلا 800روپے، چینی 68 روپے فی کلو اور گھی 170 روپے فی کلو پر ملک بھر کے یوٹیلٹی اسٹورز پر دستیاب ہے۔

اجلاس کو بتایا گیا کے اس وقت یوٹیلیٹی اسٹورز سے یومیہ 2600 ٹن آٹا، 2000 ٹن چینی اور 1200 ٹن گھی فروخت ہو رہا ہے۔ چیف کمشنر اسلام آباد نے آگاہ کیا کہ اسلام آباد میں متعدد مقامات پر سستے بازار قائم کیے گئے ہیں جن میں اشیاء ضروریہ کم قیمتوں پر دستیاب ہیں۔ اس کے علاوہ کورونا وبا ء کے پیش نظر موبائل وین کے ذریعے بھی اشیاء ضروریہ دستیاب ہوں گی۔ وزیر اعظم نے ہدایت دی کہ رمضان المبارک میں اشیائے ضروریہ کی دستیابی اور قیمتوں کی سخت نگرانی کی جائے تاکہ غریب طبقے کو کسی مشکل کا سامنا نا ہو، رمضان المبارک میں ناجائز منافع خوروں اور ذخیرہ اندوزوں کے خلاف قانونی کارروائی کو جاری رکھا جائے۔

آپ کا تبصرہ
نام:
ایمیل:
* رایے:
مقبول خبریں