شمالی وزیرستان میں فوجی آّریشن کے دوران 3 فوجی اہلکار اور 2 دہشت گرد ہلاک

مقدس دفاع نیوز ایجنسی نے ڈان کے حوالے سے نقل کیا ہے کہ پاکستان کے صوبہ خیبر پختونخوا کے ضلع شمالی وزیر ستان میں وہابی دہشتگردوں کے خلاف آپریشن کے دوران جھڑپ میں پاکستانی فوج کے کیپٹن سمیت تین فوجی جوان جاں بحق جبکہ 2 وہابی دہشت گرد بھی مارے گئے۔ پاکستانی فوج کے شعبہ تعلقات عامہ (آئی ایس پی آر) کے مطابق پاک فوج کی جانب سے شمالی وزیرستان کے علاقے دوسلی میں خفیہ اطلاعات کی بنیاد پر آپریشن کیا گیا جس میں دو وہابی دہشتگرد مارے گئے۔ وہابی دہشتگردوں کی فائرنگ کے نتیجے میں کیپٹن سمیت پاک فوج کے تین اہلکار بھی جاں بحق ہوگئے ہیں۔ جاں بحق فوجیوں میں کیپٹن فہیم ، سپاہی شفیع اور سپاہی نسیم شامل ہیں۔