ایران کس طرح بحری محاصرہ توڑ سکتا ہے؟
تحریر: محمد زرچینی (دفاعی و سکیورٹی گروپ، دفاع پریس)
امریکہ کی مسلح افواج کی جانب سے ایران پر عسکری جارحیت (جسے اس ملک کے صدر ڈونلڈ ٹرمپ کے براہِ راست حکم پر انجام دیا گیا) اور صیہونی طفل کُش حکومت کی معاونت سے حالیہ سال سے شروع ہوئی اور یہ مسلط کردہ جنگ تقریباً ۴۰ دن تک جاری رہی۔ اسلامی جمہوریہ ایران کی مسلح افواج نے اس غیرقانونی اور مجرمانہ اقدام کے ردعمل میں خطے میں دشمن کے اہداف اور مفادات کے خلاف شدید میزائل اور ڈرون حملوں کے علاوہ، آبنائے ہرمز کو مسدود کر دیا؛ اس کے مقابل، جارح اور دہشت گرد امریکی فوج نے «ہرمز بلاکیڈ» (یعنی آبنائے ہرمز سے باہر ایران کے خلاف بحری محاصرے) کا آغاز کیا۔ یہ بلاکیڈ تاحال امریکہ کے لیے کوئی نمایاں آپریشنل کامیابی حاصل نہیں کر سکا، تاہم طویل مدت تک جاری رہنے کی صورت میں یہ اشیاء و خدمات کی قیمتوں میں اضافے کا باعث بن سکتا ہے؛ لہٰذا اس معاملے کا سنجیدگی سے جائزہ لینا اور اس کے مقابل مناسب اقدامات کو اپنانا ناگزیر ہے۔
ایران کس طرح آبنائے ہرمز پر امریکی فوج کے بحری محاصرے کو توڑ سکتا ہے؟
یہ سوال پیدا ہوتا ہے کہ ملکی قیادت اور مسلح افواج امریکی دہشت گرد فوج کے بلاکیڈ کے مقابل کون سے تدابیر اختیار کر سکتی ہیں؟ بظاہر درج ذیل اقدامات اس حوالے سے قابلِ غور ہیں اور ضرورت پڑنے پر انہیں دشمن کی معاندانہ کارروائیوں کے مقابل استعمال کیا جا سکتا ہے:
1۔ جوابی اقدامات یا سخت میزائل اور ڈرون حملات کے ذریعے
اسلامی جمہوریہ ایران کی مسلح افواج آبنائے ہرمز میں اسٹریٹیجک دباؤ کے آلے کو استعمال میں لاتے ہوئے جوابی کارروائی کے طور پر امریکی تجارتی جہازوں یا اُن جہازوں کو جن کی ملکیت امریکی یا صیہونی عناصر کے پاس ہو، ضبط کر سکتی ہیں؛ ایسا اقدام تلافی کرنے کے فریم ورک میں پہلے بھی انجام دیا جا چکا ہے اور متعدد جہاز ضبط کیے جا چکے ہیں۔
ایک اور ممکنہ اقدام بحرِ ہند یا عمان کے ساحل کے قریب امریکی افواج کے خلاف وسیع پیمانے پر میزائل اور ڈرون حملے ہیں، جن میں اینٹی شپ میزائل «CM-302»، «سن برن» اور حملہ آور اور خودکش ڈرونز «شاہد ۱۳۶» یا «مہاجر» شامل ہو سکتے ہیں؛ یہ اقدامات سینٹکام اور اس سے وابستہ جنگی بیڑوں کو بلاکیڈ کے حوالے سے زیادہ محتاط حکمتِ عملی اپنانے پر مجبور کر سکتا ہے۔ اسی طرح ساحلی اور اسٹریٹیجک جزائر جیسے «ابوموسی»، «تنبِ بزرگ» اور «تنبِ کوچک» پر اینٹی شپ میزائل سسٹمز کی تعیناتی بھی مؤثر ثابت ہو سکتی ہے۔
2۔ متبادل بین الاقوامی آبی گزرگاہوں کا استعمال
ریاستی قیادت دیگر بین الاقوامی آبی راستوں کے قریب ہمسایہ ممالک کے ساتھ سفارتی روابط کے ذریعے بنیادی اور اسٹریٹیجک اشیاء کی ترسیل کے متبادل راستے کھول سکتی ہے؛ اس ضمن میں دوست ممالک، خصوصاً روسی فیڈریشن کی صلاحیتوں سے برآمدات و درآمدات میں فائدہ اٹھایا جا سکتا ہے۔
3۔ آبنائے ہرمز کو بائی پاس کرنے کے متبادل حل
ایران نے اس امکان کے پیش نظر کہ آبنائے ہرمز بند ہو سکتی ہے (چاہے اپنی جانب سے یا دیگر فریقین کی جانب سے)، اس آبی گزرگاہ پر انحصار کم کرنے کے لیے متعدد منصوبے شروع کیے ہیں؛ ان میں «امید پائپ لائن» کا منصوبہ شامل ہے جو خوزستان سے جنوب مشرقی ایران تک تیل منتقل کرتا ہے۔ یہ پائپ لائن خام تیل کو خوزستان سے مکران کے ساحل پر واقع بندرگاہ جاسک تک پہنچاتی ہے۔ اس منصوبے کی تکمیل اور استعداد میں اضافے سے ایران اپنے تیل کا بڑا حصہ آبنائے ہرمز سے گزرے بغیر براہِ راست بحرِ ہند تک برآمد کر سکتا ہے۔
4۔ چابہار بندرگاہ کی ترقی
چابہار کو ٹرانزٹ ہب میں تبدیل کرنا تا کہ وسطی ایشیا اور افغانستان کے بازاروں تک رسائی حاصل ہو سکے اور خلیج فارس پر تجارتی انحصار کم ہو، بحری محاصرے کے مقابل ایک مؤثر حکمتِ عملی ہو سکتی ہے۔ یہ بندرگاہ اشیاء کی ترسیل، وصولی اور لوڈنگ کے لیے اعلیٰ صلاحیت رکھتی ہے۔
5۔ شیڈو فلیٹ کا استعمال
ایران متغیر پرچموں والے جہازوں، AIS ٹریکنگ سسٹمز کو بند کرنے اور سمندر میں جہاز سے جہاز تیل کی منتقلی کے ذریعے پابندیوں اور نگرانی کو بائی پاس کر سکتا ہے۔
6۔ شنگھائی کوآپریشن تنظیم اور برکس ممالک کی صلاحیتوں کا استعمال
بھارت، چین اور روس جیسے معاشی طور پر طاقتور ممالک کے ساتھ دوطرفہ تجارتی نظام کے ذریعے زمینی راستوں کو بروئے کار لا کر بحری پابندیوں کو غیر مؤثر بنایا جا سکتا ہے۔
7۔ آبنائے باب المندب کی بندش
مزاحمتی طاقتوں اور یمن کی انصار اللہ تحریک کے ساتھ ہم آہنگی کے ذریعے آبنائے باب المندب کو بند یا کنٹرول کیا جا سکتا ہے، جس سے امریکہ کو بیک وقت دو مح اذوں پر دباؤ کا سامنا ہوگا اور اس کی بحری قوت محدود ہو جائے گی۔
ایران کے پاس متعدد اسٹریٹیجک آپشنز اور آپریشنل کارڈز موجود ہیں جن کے ذریعے وہ امریکہ کو شدید دباؤ میں لا سکتا ہے، اور یہی امر امریکی دشمن کو گھٹنے ٹیکنے پر مجبور کر سکتا ہے؛ بشرطیکہ آبنائے ہرمز چند مزید ماہ تک بند رکھی جائے۔
