متحدہ مزاحمتی محاذ صیہونی حکومت اور امریکہ کی شرارتوں کا جواب دے گا، جنرل قاآنی
دفاع پریس دفاعی اور سثکیورٹی گروپ کی رپورٹ کے مطابق، اسماعیل قاآنی نے اپنے ذاتی سوشل میڈیا صفحے پر ایک پیغام جاری کیا جس میں انہوں نے لکھا:
“یمن کے بروقت اور مضبوط اقدام نے مزاحمتی محاذ کی بصیرت اور دانشمندی کو ثابت کر دیا ہے؛ اگر ضرورت پڑی تو دیگر مزاحمتی فورسز بھی میدان میں آئیں گے”۔
انہوں نے مزید کہا:
“آبنائے ہرمز سے باب المندب تک اور خلیج فارس سے بحیرۂ احمر تک مزاحمت کا ایک نیا سیکیورٹی حصار قائم ہوگا”۔
جنرل قاآنی کے مطابق، اس خطے میں صیہونی حکومت اور امریکہ کی کسی بھی مہم جوئی یا اشتعال انگیزی کو متحدہ مزاحمتی محاذ کی جانب سے ردِعمل کا سامنا کرنا پڑے گا۔
انہوں نے اپنے پیغام کے اختتام پر خبردار کرتے ہوئے کہا:
“سرحدوں سے ماورا مجاہدین آپ کے اہم بحری گزرگاہوں پر نظر رکھے ہوئے ہیں۔ اگر آپ اپنی جارحیت جاری رکھیں گے تو وہ آپ کی شہ رگ کو دبوچ لیں گے”۔
