بسیج مستضعفین آرگنائزیشن کا پیغام: بسیجی(رضاکار) بیت المقدس شریف کی آزادی تک شیطانی دشمن کے خلاف جنگ کے لیے مکمل طور پر تیار ہیں

دفاع پریس کے دفاعی اور سیکیورٹی گروپ کے مطابق، بسیج مستعفی آرگنائزیشن نے تحریکِ حماس کے سیاسی دفتر کے سربراہ کے طور پر خلیل الحیہ کی تقرری کے بعد ایک پیغام جاری کیا۔

بسیج مستضعفین آرگنائزیشن کا پیغام: بسیجی (رضاکار فورس) بیت المقدس شریف کی آزادی تک شیطانی دشمن کے خلاف جنگ کے لیے مکمل طور پر تیار ہیں

پیغام کا متن درج ذیل ہے:

بسم اللہ الرحمٰن الرحیم

مجاہد بھائی!

جناب خلیل الحیہ (حفظہ اللہ تعالیٰ) صاحب

محترم سربراہ، سیاسی دفتر، تحریکِ مزاحمتِ اسلامی حماس

السلام علیکم

اللهم صل على محمد و آل محمد و عجل فرجهم

تحریکِ حماس کے سیاسی دفتر کے سربراہ کے منصب پر آپ کی شایان شان تقرری نے دنیا بھر میں فلسطین کے مقصد سے وابستہ افراد کو خوشی سے ہمکنار کیا ہے اور تمام مجاہدین کو فلسطینی اسلامی مزاحمت کے افسانوی کمانڈر، ثابت قدم مجاہد، شہید یحییٰ سنوار کے راستے کو جاری رکھنے کے لیے مزید پُرامید کر دیا ہے۔

"طوفان الاقصیٰ" آپریشن، جو فلسطین کے غیرت مند فرزندوں نے مغرب، بالخصوص مجرم امریکہ کی حمایت یافتہ شیطانی حکومت کے آٹھ دہائیوں پر محیط جرائم کے جواب میں انجام دی، اس نے مغربی تہذیب کو ایک ناقابلِ تلافی شکست سے دوچار کیا، محورِ مزاحمت کی طاقت کو دنیا پر آشکار کیا اور صیہونی خونخوار حکومت اور عالمی سامراج پر مستقبل قریب میں یقینی فتح کی خوشخبری سنائی۔

ہم 07 اکتوبر 2023ء کی معرکہ آرا کارروائی کی تیسری برسی کے قریب پہنچ رہے ہیں۔ ایک طرف خطے کے لوگ اور دنیا بھر کے آزاد انسان غزہ کی بہادر عوام کی مصیبتوں پر غمزدہ اور رنجیدہ ہیں جبکہ دوسری طرف ان مظلوم مگر طاقتور لوگوں کی بے مثال ثابت قدمی، غزہ، لبنان، یمن، عراق اور ایران میں مزاحمتی مجاہدین کی شاندار فتوحات، اور دنیا خصوصاً یورپ اور امریکہ کے قلب میں عوامی رائے عامہ کا صیہونی خونخقار حکومت اور مجرم امریکہ کے جرائم سے آگاہ ہونا اور ان کے ناپاک چہرے کا بے نقاب ہونا اس بات کا مظہر ہے کہ عزیز بیت المقدس کی آزادی اب صرف ملتِ فلسطین کا مطالبہ نہیں بلکہ پوری دنیا کا مطالبہ بن چکی ہے۔

بسیج مستضعفین آرگنائزیشن آپ کی تقرری پر مبارکباد پیش کرتے ہوئے، اس اہم ذمہ داری کی ادائیگی اور جہاد و شہادت کے راستے کے تسلسل کے لیے کامیابی کی دعا کرتی ہے اور فلسطینی مجاہدین کی ہر پہلو سے حمایت اور جدوجہد کے تجربات کے تبادلے کی ضرورت پر زور دیتی ہے۔

آرگنائزیشن یہ بھی اعلان کرتی ہے کہ بسیجی، عزیز خامنہ‌ای کے فرزند، بیت المقدس شریف میں باجماعت نماز کی ادائیگی تک شیطانی دشمن کے خلاف جنگ کے لیے مکمل طور پر تیار ہیں اور حضرت آیت اللہ سید علی خامنہ‌ای (رضوان اللہ تعالیٰ علیہ) کے اس خصوصی فرمان پر گہرا یقین رکھتی ہے کہ:

"مستقبل کی دنیا، فلسطین کی دنیا ہے”۔

والسلام علیکم ورحمۃ اللہ وبرکاتہ

بسیج مستضعفین آرگنائزیشن