سعودی حکومت امریکہ کے مہنگے اور غیر دانشمندانہ طرزِ عمل سے سبق حاصل کرے، جنرل قاآنی

دفاع پریس کے دفاعی اور سیکیورٹی گروپ کے مطابق، سپاہ پاسداران انقلاب اسلامی کی قدس فورس کے کمانڈر جنرل اسماعیل قاآنی نے اپنے ایک پیغام میں لکھا: سعودی حکومت امریکہ کے غیر دانشمندانہ اور مہنگے طرزِ عمل کے تجربے سے سبق حاصل کرے اور یمن کا محاصرہ ختم کرے۔

پیغام میں کہا گیا ہے:

بسم اللہ الرحمٰن الرحیم

یمن پر گزشتہ 11 برس سے جاری محاصرے کا خاتمہ، اس ملک کی مظلوم عوام کا ایک برحق اور انسانی مطالبہ ہے۔

توقع کی جاتی ہے کہ سعودی حکومت امریکہ کے غیر دانشمندانہ اور مہنگے طرزِ عمل سے سبق حاصل کرے اور 38 ملین سے زائد آبادی والے ایک مسلمان ملک کے محاصرے کا خاتمہ کرے۔

دنیا بھر کے مسلمانوں کی سعودی عرب سے، جو خود کو حرمین شریفین کا خادم قرار دیتا ہے، یہ توقع ہے کہ وہ ایک مظلوم اور مسلمان قوم کے خلاف جنگ اور دباؤ جاری رکھنے کی بجائے اپنی صلاحیتوں اور وسائل کو فلسطینی عوام کی حمایت اور صیہونی حکومت کے جرائم کا مقابلہ کرنے کے لیے بروئے کار لائے۔

مظلوم غزہ کو نجات دلانے کی کوشش باعثِ فخر ہے، نہ کہ یمن کی مظلوم عوام کے محاصرے کو جاری رکھنا۔