ہندوستان کے سابق وزیراعظم کی موجودہ وزیراعظم پرکڑی نکتہ چینی

مقدس دفاع نیوز ایجنسی کی بین الاقوامی رپورٹر رپورٹ کے مطابق ئی دہلی میں کانگریس پارٹی کے 84 ویں اجلاس عام سے خطاب کرتے ہوئے اس ملک کے سابق وزیراعظم منموہن سنگھ نے کہا کہ  وزیراعظم نریندرا مودی اور بی جے پی حکومت نے اپنی شدید بدانتظامی سے کشمیر میں حالات کو پہلے سے زیادہ بگاڑ دیا ہے، کشمیر میں حالات دن بدن بگڑتے جارہے ہیں، ہندوستانی حکومت کو کشمیریوں کے مسائل کا ادراک کرنا ہوگا اور انہیں حل کرنا ہوگا۔

منموہن سنگھ نے بی جے پی اور اس کی اتحادی جماعتوں کے درمیان جاری چپقلش کی طرف اشارہ کرتے ہوئے کہا کہ  حکمراں اتحاد میں شامل جماعتوں میں گہرا نظریاتی اختلاف ہے، اس حکومت کے دو دھڑے آپس میں ایک دوسرے کے خلاف ہی کام کررہے ہیں۔

انہوں نے کہا کہ حقیقت یہ ہے کہ ہماری سرحدیں محفوظ نہیں ہیں، دہشت گردی نے ملک کے عوام کو پریشانی میں ڈال رکھا ہے، بی جے پی حکومت نے ملک کی معیشت کو برباد کر دیا ہے، وزیر اعظم مودی نے عوام سے دو کروڑ ملازمتوں کا وعدہ کیا تھا، لیکن دو لاکھ لوگوں کو بھی نوکری نہیں ملی۔

پیغام کا اختتام/