ایران کی دفاعی توانائی پر مذاکرات نہیں ہو سکتے، حکومتی ترجمان

مقدس دفاع نیوز ایجنسی کی رپورٹ کے مطابق، حکومت ایران کے ترجمان محمد باقر نوبخت نے فرانسیسی وزیر خارجہ کے بیان پر ردعمل کا اظہار کرتے ہوئے، جنھوں نے دعوی کیا تھا کہ پیرس نے ایران کے میزائل پروگرام کے بارے میں مذاکرات شروع کئے ہیں، کہا کہ ایران نے میزائل پروگرام کے بارے میں کسی سے مذاکرات نہیں کئے ہیں اور نہ ہی اس بارے میں مذاکرات ہو سکتے ہیں۔

انھوں نے کہا کہ دفاعی توانائی کو مضبوط بنانا ایران کا مسلمہ حق ہے۔ ایرانی حکام نے بارہا تاکید کی ہے کہ دفاعی پروگرام ایران کی ریڈلائن ہے اور ایران کی دفاعی اور میزائلی پالیسیاں ملک کے دفاع کے لئے ہیں جن سے علاقے کے امن و سلامتی کو بھی مدد ملے گی۔

واضح رہے کہ امریکہ اور اس کے بعض اتحادی، ایران کا میزائل پروگرام بند کرانا چاہتے ہیں اور امریکہ کا کہنا ہے کہ ایران کے میزائلی تجربات سلامتی کونسل کی قرارداد بائیس اکتّیس کے خلاف ہیں جبکہ یورپی یونین کے خارجہ امور کی سربراہ کی ترجمان نبیلہ مسرالی نے حال ہی میں اعلان کیا ہے کہ ایران کے میزائلی تجربات ایٹمی معاہدے کے خلاف نہیں ہیں۔

پیغام کا اختتام/