ایران کے ساتھ تجارت بڑھانے کا اعلان
مقدس دفاع نیوز ایجنسی کی بین الاقوامی رپورٹر رپورٹ کے مطابق، چینی وزارت خارجہ نے بدھ کو ایک بیان جاری کرکے ایران کے خلاف امریکا کی خودسرانہ پابندیوں کی مخالفت پر زور دیتے ہوئے اعلان کیا ہے کہ بیجنگ تہران کے ساتھ تجارت میں فروغ کا ارادہ رکھتا ہے ۔
چینی وزارت خارجہ نے اعلان کیا ہے کہ ایران کے ساتھ تجارت اقوام متحدہ کی کسی قرار داد کے منافی نہیں ہے اور چین امریکا کی خودسرانہ پابندیوں کی کوئی اہمیت نہیں دیتا۔چین کی حکمراں جماعت کے ترجمان روزنامہ گلوبل ٹائمز نے بھی لکھا ہے کہ چینی کمپنیاں امریکا کی ایران مخالف پابندیوں کی پیروی نہیں کریں گی ۔
قابل ذکر ہے کہ رواں سال کے ابتدائی چار مہینے میں ایران اور چین کے درمیان تجارت کا حجم تیرہ اعشاریہ دو ارب ڈالر رہا ہے جو دو ہزار سترہ کی اسی مدت کے مقابلے میں نو اعشاریہ تین فیصد اضافے کی نشاندھی کرتا ہے ۔
لنک کاپی کر دیا گیا تھا۔
آپ کی رائے
