حملے کا جواب انتہائی شدید ہوگا، ایرانی صدر کا سخت ردِ عمل
ایرانی صدر حسن روحانی نے ایران کے شہر اہواز میں دہشت گردوں کے حملے پر سخت ردِ عمل ظاہر کرتے ہوئے کہا ہے کہ اس حملے کا جواب انتہائی شدید ہوگا۔
مقدس دفاع نیوز ایجنسی کی رپورٹ کے مطابق، صدر حسن روحانی نے دہشت گردوں کے سہولت کاروں کو سخت پیغام دیا، ان کا کہنا تھا کہ حملے کا انتہائی شدید جواب دیا جائے گا۔
حسن روحانی نے کہا : دہشت گردوں کے سہولت کاروں کو اپنے کیے کا جواب دینا ہوگا۔‘ انھوں نے سیکورٹی فورسز کو حکم دیا کہ فوجی پریڈ پر حملے کے ذمہ داروں کی شناخت کی جائے۔
خیال رہے کہ آج ایران کے شہر اہواز میں سیکورٹی فورسز کی پریڈ کے دوران نا معلوم دہشت گردوں نے حملہ کیا، فائرنگ کے نتیجے میں خاتون اور بچے سمیت 50 افراد زخمی جب کہ 25 جاں بحق ہوئے۔
پیغام کا اختتام/
آپ کا تبصرہ
