دفاعی توانائیوں پر کسی سے کوئی بات نہیں ہوگی

مقدس دفاع نیوز ایجنسی کی رپورٹ کے مطابق، وزیرخارجہ ڈاکٹر محمد جواد ظریف نے اس بات کا ذکر کرتے ہوئے کہ اسلامی جمہوریہ ایران نے ہمیشہ اپنی میزائلی صلاحیتوں پر زور دیا ہے کہا کہ ایران کی دفاعی توانائیوں اور صلاحیتوں پرکسی سے کوئی بات چیت نہیں ہوسکتی - انہوں نے بدھ کو نامہ نگاروں سے گفتگو کے دوران کہا کہ جو ممالک ایران کی دفاعی توانائیوں کے بارے میں سوال کھڑے کررہے ہیں یہ وہی ہیں جنھوں نے مغربی ایشیا میں اربوں ڈالر کے ہتھیاروں کے انبار لگا دئےہیں اور علاقے میں بدامنی کے ذمہ دار ہیں -

وزیرخارجہ نے کہا کہ ایران کی دفاعی پالیسی دفاعی ماہیت کی حامل ہے ، کوئی بھی ملک ایران جیسے آزاد و خود مختار اور مقتدر ملک سے یہ نہیں کہہ سکتا کہ وہ دفاعی توانائیوں سے دستبردار ہوجائے  -

انہوں نے ایران کے میزائلی پروگرام کے بارے میں امریکا کے حالیہ اقدامات اور بیانات کا ذکرکرتے ہوئے کہا کہ  خود امریکیوں نے بارہا اعتراف کیا ہے کہ ایٹمی معاہدے اور سلامتی کونسل کی قرارداد بائیس اکتیس میں ایران کے میزائلی پروگرام اور تجربات پر کوئی بندش نہیں لگائی گئی ہے-

پیغام کا اختتام/