ایران کے اثر و رسوخ کے پھیلنے پر تاکید

مقدس دفاع نیوز ایجنسی کی رپورٹ کے مطابق، ایران کے وزیرداخلہ عبدالرضا رحمانی فضلی نے کہا کہ علاقے اور ہمسایہ ملکوں کے ساتھ بے شمار اشتراکات اور گہرے رشتوں کی بدولت علاقے میں ایران کا اثر و رسوخ بہت زیادہ بڑھ چکا ہے اور اگر ان ملکوں پر کسی دشمن نے حملہ کیا اور انہوں نے ایران سے مدد کی درخواست کی تو ایران ان کی مدد کرنے سے ذرہ برابر بھی دریغ نہیں کرے گا -

ایرانی وزیرداخلہ نے کہا کہ بین الاقوامی میدان میں ایران کا مقابلہ کرنے میں امریکا اب اکیلا پڑچکا ہے اور آئی اے ای اے کے ساتھ ساتھ یورپ، روس چین اور علاقے کے ممالک کوئی بھی امریکا کا ساتھ نہیں دے رہا ہے - ان کا کہنا تھا کہ عالمی رائے عامہ آج یہ فیصلہ دے چکی ہے کہ ایران نے اپنے وعدوں پرعمل کیا ہے اور امریکا بین الاقوامی معاہدوں کی خلاف ورزی کررہا ہے -

پیغام کا اختتام/