برازیل کے صدر کا فوجی سربراہان کو تبدیل کرنے کا اعلان

مقدس دفاع نیوز ایجنسی نے غیر ملکی ذرائع کے حوالے سے نقل کیا ہے کہ برازیل کے صدر جیر بولسنارو نے کورونا سے لڑنے میں ناکامی کا نزلہ کابینہ اور فوجی سربراہان پر گراتے ہوئے وزیر خارجہ، دفاع اور انصاف سمیت چھ وزرا کو عہدوں سے ہٹانے کے بعد تینوں مسلح افواج کے سربراہان کو بھی تبدیل کرنے کا اعلان کیا ہے۔ صدر کے چیف آف اسٹاف، اٹارنی جنرل اور حکومتی سیکریٹری بھی نکالے گئے ہیں۔ برازیل میں کورونا سے اموات دنیا بھر میں امریکہ کے بعد سب سے زیادہ 3 لاکھ 14 ہزار ہیں۔