رہبر معظم انقلاب اسلامی بروز بدھ عوام سے خطاب کریں گے

مقدس دفاع نیوز ایجنسی کی رپورٹ کے مطابق رہبر معظم انقلاب اسلامی حضرت آیت اللہ العظمی خامنہ ای بدھ کے دن ٹی وی کے ذریعہ عوام سے براہ راست خطاب کریں گے۔ اطلاعات کے مطابق رہبر معظم انقلاب اسلامی تیرہویں صدارتی انتخابات ، خبرگان رہبری کونسل کے ضمنی اور شہری و دیہی کونسلوں کے چھٹے انتخابات سے قبل ایرانی عوام سے براہ راست خطاب کریں گے۔ ذرائع کے مطابق رہبر معظم انقلاب اسلامی کا خطاب بروز بدھ 16 جون کو مقامی وقت کے مطابق سہ پہر 8 بجے ٹی وی سے براہ راست نشر کیا جائےگا۔