مقدس دفاع نیوز ایجنسی کے نامہ نگار کی رپورٹ کے مطابق اسلامی جمہوریہ ایران کے نو منتخب صدر آیت اللہ سید ابراہیم رئیسی نے ملکی اور غیر ملکی صحافیوں اور نامہ نگاروں کی موجودگی میں اپنی پہلی کانفرنس سے خطاب کرتے ہوئے کہا ہے کہ امریکہ کو عالمی معاہدوں کی خلاف ورزی کے سلسلے میں عالمی برادری کو جواب دینا چاہیے۔
آیران نئے صدر نے امام رضا علیہ السلام کی ولادت باسعادت اور عشرہ کرامت پر ایرانی عوام اور مؤمنین کو مبارکباد پیش کرتے ہوئے کہا کہ ایرانی عوام نے 18 جون کو دشمنوں کی تمام گھناؤنی سازشوں اور نفسیاتی جنگ کو ناکام بناتے ہوئے نئی تاریخ رقم کی ہے ۔ انھوں نے کہا کہ میں ایران کے غیور ، بہادر اور انقلابی عوام کی مدد سے موجودہ صورتحال کو عوام کے مفادات میں بدلنے کی تلاش و کوشش کروں گا۔ انھوں نے کہا کہ امریکہ نے مشترکہ ایٹمی معاہدے سمیت کئی عالمی معاہدوں کو نقض کیا ہے لہذآ امریکہ کو اپنی خلاف ورزیوں اور ایرانی عوام کے خلاف اپنی ظالمانہ پابندیوں کے بارے میں عالمی برادری کو جواب دینا چاہیے۔