شہروں میں اور سرحدوں پر پائیدار امن حاکم؛ جنگ و صلح کے دوران فراجا (پولیس) کی کامیابیاں

جنرل «حسن کرمی» فراجا کے آپریشنل اسسٹنٹ نے دفاع پریس کے سماجی امور کے رپورٹر سے گفتگو کرتے ہوئے تیسری مسلط کردہ جنگ کے دوران ملک بھر میں فراجا فورسز کی دن رات کی سرگرمیوں کی جانب اشارہ کرتے ہوئے کہا: فراجا کی دو اہم ذمہ داریاں ہیں؛ پہلی ذمہ داری جنگی حالات میں عوامی سلامتی کا تحفظ ہے اور دوسری ذمہ داری، عام حالات میں امن و امان کا قیام ہے۔ فراجا ہمیشہ نظم و ضبط اور مختلف سیکیورٹی امور کو اپنی ترجیحات میں شامل رکھتی ہے اور یہ سرگرمیاں مسلسل جاری ہیں۔

جنرل کرمی نے مزید کہا: جنگی حالات کی مخصوص نوعیت کے باعث، یہ احتمال بڑھ جاتا ہے کہ قانون شکن عناصر اور وہ افراد جو کسی نہ کسی صورت بدامنی پیدا کرنا چاہتے ہیں، ایکٹیو ہو جائیں؛ اسی لیے فراجا کی ذمہ داریاں مزید بڑھ جاتی ہیں۔

فراجا کے آپریشنل اسسٹنٹ نے جنگِ رمضان اور ۱۲ روزہ جنگ میں فراجا کے مؤثر کردار کی طرف اشارہ کرتے ہوئے کہا:

ملک بھر میں ہمارے اہلکاروں نے میدانِ جنگ میں نہایت مؤثر کردار ادا کیا۔ سرحدی محافظ، ہمیشہ اگلی صفوں میں موجود رہتے ہیں اور انہیں ایک طرف سرحد پار دشمن کی نقل و حرکت کی نگرانی کرنا ہوتی ہے تا کہ کوئی دراندازی نہ ہو اور دوسری طرف خود سرحد کی حفاظت بھی یقینی بنانی ہوتی ہے تا کہ دشمن داخل نہ ہو سکے۔ جنگ کے زمانے میں سرحدی تحفظ کی یہ بھاری ذمہ داری مزید شدت اختیار کر جاتی ہے اور ہماری یونٹس اپنی سرگرمیاں بڑھا دیتی ہیں۔

انہوں نے مزید بیان کیا: ہمارے بڑے یونٹس میں سے ایک، ایران کے وسیع صحرائی علاقوں میں تعینات کمانڈو یونٹ ہے جو وسیع علاقوں کو کنٹرول کرتی ہے اور یہ علاقے دشمن کی طمع کا نشانہ بن سکتے ہیں۔ نصرآباد اصفہان جیسے آپریشنز میں کمانڈو یونٹ نے انتہائی مؤثر کارکردگی دکھائی؛ اس یونٹ نے نہ صرف انٹیلیجنس امور کو کنٹرول کیا کی بلکہ بر وقت نوٹیفکیشن کی فراہمی، اس کی پروسیسنگ اور علاقے میں ایکٹیو موجودگی بھی برقرار رکھی۔

انہوں نے کہا: زاگرس کے نواحی علاقوں کے تمام کمانڈرز نے علاقے میں پائلٹ کی تلاش اور ریسکیو کارروائیوں میں دن رات نہایت مؤثر کردار ادا کیا اور یہ تمام اقدامات فراجا کی ہدایت کے تحت انجام پائے۔

دشمن کے جاسوسوں اور ایجنٹوں کے خلاف کارروائی کے حوالے سے فراجا نے سیکیورٹی یونٹس میں نمایاں ترین کارکردگی کا ریکارڈ قائم کیا ہے۔ وہ افراد جو دشمن کے ساتھ تعاون اور جاسوسی میں ملوث تھے، گرفتار کیے جا چکے ہیں اور اس میدان میں نمایاں کامیابیاں حاصل ہوئی ہیں۔

جنرل کرمی مزید کہا: غنڈہ عناصر اور جنگ کے دوران بدامنی پھیلانے کے خواہش مند افراد کے مقدمات بھی مؤثر انداز میں کنٹرول کیے گئے ہیں اور شہروں، شاہراہوں اور سرحدوں میں بہترین سیکیورٹی برقرار رکھی گئی ہے۔

انہوں نے کہا: یہ سب فراجا کے کردار کا حصہ ہے جس نے نہ صرف عوامی سلامتی کو مؤثر انداز میں برقرار رکھا اور عوام کی خدمت انجام دی بلکہ اندرون ملک سلامتی اور قومی دفاع میں بھی بھرپور کردار ادا کیا اور یہ ایک نہایت قابلِ قدر کارنامہ ہے۔