آئی آر جی سی کے ساتھ تعاون کے تحت 26 جہاز آبنائے ہرمز سے گزر گئے / آبنائے ہرمز میں کسی بھی قسم کی مداخلت کا سخت جواب دیا جائے گا
دفاع پریس کے دفاعی و سیکیورٹی گروپ کے مطابق، آئی آر جی سی کی بحریہ کے شعبۂ تعلقاتِ عامہ نے اعلان کیا:
گزشتہ چوبیس گھنٹوں کے دوران 26 تجارتی اور آئل ٹینکر جہاز ضروری اجازت اور آئی آر جی سی کی بحریہ کے تعاون کے بعد آبنائے ہرمز کے محفوظ کوریڈور سے گزر گئے۔
بیان میں تاکید کی گئی کہ گزشتہ رات بھی چند جہاز غیر قانونی طور پر، نیویگیشن سسٹمز میں رد و بدل کرنے اور انہیں بند کرنے کے بعد خلیج فارس میں داخل ہونے کے درپے تھے۔ آئی آر جی سی کی بحریہ کے جوانوں نے متعدد ریڈیو وارننگز کے بعد ان میں سے دو جہازوں کو ان کی جگہ پر روک دیا جبکہ باقی جہاز واپس جانے پر مجبور ہو گئے۔
بیان میں خبردار کیا گیا کہ اگر امریکی دہشت گرد فوج نے اس قسم کی کارروائیاں دوبارہ دہرائیں تو اسے سخت جواب کا سامنا کرنا پڑے گا۔
مزید کہا گیا:آبنائے ہرمز کا اسمارٹ کنٹرول مکمل طاقت اور مضبوطی کے ساتھ جاری ہے اور گزشتہ چوبیس گھنٹوں کے دوران 26 تجارتی اور آئل ٹینکر جہاز اجازت حاصل کرنے کے بعد اور آئی آر جی سی کی بحریہ کے تعاون سے محفوظ کوریڈور کے ذریعے آبنائے ہرمز سے گزر گئے۔
بیان کے مطابق، آبنائے ہرمز میں آمد و رفت کے لیے اجازت اور باہمی تعاون لازمی اور حتمی امر ہے اور جیسا کہ پہلے بھی اعلان کیا جا چکا ہے، دیگر راستوں سے گزرنے کی کوشش کو خلل اندازی تصور کیا جائے گا اور اس کے خلاف کارروائی کی جائے گی۔
آئی آر جی سی کی بحریہ نے مزید کہا:گزشتہ رات بھی کئی جہاز غیر قانونی طور پر نیویگیشن سسٹمز میں رد و بدل کرنے اور انہیں بند کر کے خلیج فارس میں داخل ہونے کی کوشش کر رہے تھے۔ آئی آر جی سی کی بحریہ کے مجاہدین نے متعدد ریڈیو انتباہات کے بعد ان میں سے دو جہازوں کو روک دیا جبکہ باقی جہاز واپس جانے پر مجبور ہو گئے۔
بیان میں مزید دعویٰ کیا گیا کہ خطے میں موجود امریکی دہشت گرد فوج نے جنگ بندی کی خلاف ورزی کرتے ہوئے بندرعباس شہر کے ہوائی اڈے کے خالی علاقوں پر چند میزائل داغے، تاہم اس سے کوئی نقصان نہیں ہوا۔
اس کارروائی کے جواب میں حملے کے مبدا امریکی اڈے کو جوابی حملے کا نشانہ بنایا گیا۔
آئی آر جی سی کی بحریہ نے خبردار کیا:اگر امریکی دہشت گرد فوج نے اس قسم کی کارروائی دوبارہ دہرائی تو اسے ہمارے سخت ردعمل کا سامنا کرنا پڑے گا۔
بیان کے اختتام میں کہا گیا:آبنائے ہرمز کا کنٹرول اور انتظام صرف آئی آر جی سی کی بحریہ کے ہاتھ میں ہے اور اس آبنائے میں کسی بھی قسم کی خلل اندازی کو ہمارا فیصلہ کُن اور شدید جواب ملے گا۔
