اگر صیہونی جنوبی لبنان سے نہ نکلے تو سن 2000 کی تاریخ دوبارہ دہرائی جائے گی، جنرل قاآنی
دفاع پریس کے دفاعی اور سیکیورٹی گروپ کے مطابق، آئی آر جی سی کی قدس بریگیڈ کے کمانڈر جنرل اسماعیل قاآنی نے ایک سوشل میڈیا پلیٹ فارم پر اپنے ذاتی پیج کے ذریعے صیہونی حکومت کے فوجیوں کے نام ایک پیغام جاری کیا جس میں انہوں نے لکھا کہ اگر تم اپنی مرضی سے جنوبی لبنان سے باہر نہ نکلے تو سن 2000 کی تاریخ دوبارہ دہرائی جائے گی۔
پیغام کا مکمل متن درج ذیل ہے:
بسم اللہ الرحمن الرحیم
اے صیہونی متجاوز اور دہشت گرد فوجیو!
تمہاری فوج نے چار دن سے بھی کم وقت میں 100 سے زیادہ جانی نقصان اٹھایا ہے۔ اگر تم اپنے پیروں پر جنوبی لبنان سے باہر نہ نکلے تو سن 2000 کا معرکہ دوبارہ دہرایا جائے گا؛ وہی سال جب تم اس سرزمین سے ذلت و رسوائی کے ساتھ فرار ہونے پر مجبور ہوئے تھے۔
آج بھی اگر تم جارحیت اور قبضہ کرنے پر اصرار کرو گے تو ذلت اور شکست کے ساتھ لات مار کر نکال دیے جاؤ گے۔
اب فیصلہ تمہارا ہے۔
