امریکہ کی جارحیتوں کے جواب میں فیصلہ کن میزائل اور ڈرون آپریشن / متخلف بحری جہازوں کے ساتھ ماضی سے زیادہ سخت برتاؤ کیا جائے گا

دفاع پریس کے دفاعی و سیکیورٹی گروپ کی رپورٹ کے مطابق، سپاہ پاسداران انقلاب اسلامی کے شعبہ تعلقات عامہ نے ایک اعلامیہ جاری کرتے ہوئے سپاہ کی بحریہ اور فضائی و خلائی فورس کی جانب سے امریکہ کی حالیہ جارحیتوں کے فیصلہ کن جواب کی اطلاع دی اور اس بات پر تاکید کیا: اب سے متخلف بحری جہازوں کے ساتھ ماضی سے زیادہ سخت برتاؤ کیا جائے گا، اور دشمن کی کسی بھی بہانے پر ممکنہ جارحیت کا مقابلہ کیا جائے گا، چاہے وہ کل رات اور آج رات کی طرح کم اہم اہداف پر حملے ہی کیوں نہ ہوں، اس کا جواب تباہ کن ہوگا۔ دشمن جان لے کہ جنگ بندی کی خلاف ورزی اسلام آباد مفاہمتی یادداشت کی پہلی شق کے خلاف ہے اور اس کے نتیجے میں تمام عمل کو روک دیا جائے گا۔

اعلامیہ کا متن بہ شرح ذیل ہے:

بسم اللہ قاصم الجبارین

فَقَاتِلُوا أَئِمَّةَ الْکُفْرِ ۙ إِنَّهُمْ لَا أَیْمَانَ لَهُمْ لَعَلَّهُمْ یَنْتَهُون

ایران اسلامی کے عزیز اور شرافتمند عوام۔

آپ کے غیرت مند فرزندوں نے سپاہ کی بحریہ اور فضائی و خلائی فورس میں آج اتوار کی صبح ۲ سے ۳ بجے کے درمیان مشترک میزائل اور ڈرون آپریشن کے دوران بیلسٹک میزائل اور ڈرون کے ذریعے کویت کے علی السالم ائیربیس اور بحرین کی بندرگاہ سلمان میں امریکی فوج کے آٹھ اہم بنیادی تنصیبات کو نشانہ بنا کر تباہ کر دیا اور امریکہ کی حالیہ جارحیتوں کا فیصلہ کن جواب دیا۔

جارح دشمن، جس کی فطرت میں عہد شکنی اور پیمان شکنی ہے، سپاہ کی بحریہ کی جانب سے ایک خلاف ورزی کرنے والے بحری جہاز کے خلاف کارروائی کو بہانہ بنا کر آج صبح جمہوریہ اسلامی ایران کے پانچ ساحلی چوکیوں پر حملہ کیا تھا۔

اسلام آباد مفاہمتی یادداشت کے مطابق آبنائے ہرمز میں آمد و رفت کے کنٹرول کے انتظامات جمہوریہ اسلامی کے ذمہ ہیں، اور اب سے متخلف بحری جہازوں کے ساتھ ماضی سے زیادہ سخت برتاؤ کیا جائے گا، اور دشمن کی کسی بھی بہانے پر ممکنہ جارحیت کا مقابلہ کیا جائے گا، چاہے وہ کل رات اور آج رات کی طرح کم اہم اہداف پر حملے ہی کیوں نہ ہوں، اس کا جواب تباہ کن ہوگا۔

دشمن جان لے کہ جنگ بندی کی خلاف ورزی اسلام آباد مفاہمتی یادداشت کی پہلی شق کے خلاف ہے اور اس کے نتیجے میں تمام عمل کو روک دیا جائے گا۔ 

اور مدد صرف اللہ عزیز و حکیم ہی کی طرف سے ہے