آبنائے ہرمز میں دشمن کی ایک سمارٹ آبدوز کو قبضے میں لے لیا گیا
دفاع پریس کے دفاعی اور سیکیورٹی گروپ کے مطابق، سپاہ پاسداران انقلاب اسلامی نے سپاہ کی بحریہ کے حوالے سے جاری کردہ اعلامیہ نمبر ۱۲ میں آبنائے ہرمز کے اندرونی راستے پر ایک پیچیدہ انٹیلیجنس اور آپریشنل نگرانی کی کارروائی کے دوران دہشت گرد امریکی فوج کی جدید ترین سمارٹ اور انسانی رہنمائی کے بنا چلنے والی آبدوزوں میں سے ایک کو قبضے میں لینے کی اطلاع دی ہے۔
اس اعلامیے کا متن درج ذیل ہے:
بسم اللہ الرحمن الرحیم
وَأُخْرَىٰ تُحِبُّونَهَا نَصْرٌ مِّنَ اللَّهِ وَفَتْحٌ قَرِیبٌ وَبَشِّرِ الْمُؤْمِنِینَ (صف/۱۳)
ایران کی عزیز مبعوث عوام!
اللہ تعالیٰ کی خصوصی عنایت سے سپاہ کی بحریہ کے سپاہیوں نے آج سحر کے وقت ایک پیچیدہ انٹیلیجنس اور آپریشنل نگرانی کی کارروائی کے دوران آبنائے ہرمز کے اندرونی راستے پر دہشت گرد امریکی فوج کی جدید ترین ذہین اور انسانی رہنمائی کے بنا چلنے والی آبدوزوں میں سے ایک کو جال میں پھنسا لیا۔
یہ یہ سمارٹ آبدوز دنیا میں انڈر واٹر ٹیکنالوجی کے شعبے کی جدید ترین ٹیکنالوجی سے لیس ہے جسے ۲۰۲۵ء میں دہشت گرد امریکی فوج کے بیڑے کے حوالے کیا گیا تھا۔
قابلِ ذکر ہے کہ اس آبدوزکو اب بطورِ غنیمت قبضے میں لے لیا گیا ہے اور آئندہ چند گھنٹوں کے دوران اس کی تصاویر جاری کر دی جائیں گی۔
وَمَا النَّصْرُ إِلَّا مِنْ عِنْدِ اللَّهِ الْعَزِیزِ الْحَکِیمِ
