ایرانی نوجوان سپاہی، وطن اور عزت و ناموس کی خاطر جان قربان کر دیتا ہے، میجر جنرل عبداللہی

دفاع پریس کے دفاعی اور سیکیورٹی گروپ کے مطابق، مسلح افواج کے چیف آف اسٹاف اور حضرت خاتم الانبیاءؐ سینٹرل ہیڈکوارٹر کے کمانڈر میجر جنرل علی عبداللہی نے یومِ سپاہی کے موقع پر اپنے پیغام میں تاکید کرتے ہوئے کہا: نوجوان سپاہیوں کی مؤثر اور طاقتور موجودگی نے ملک کی دفاعی، سیکیورٹی اور انتظامی صلاحیت میں نمایاں اضافہ اور قومی ڈیٹرنس کی گہرائی میں مزید وسعت پیدا کی ہے۔

اس پیغام کا متن درج ذیل ہے:

بسم اللہ الرحمن الرحیم

ہفتۂ دفاعِ مقدس کی آمد جو اسلامی ایران کے آہنیں مردوں کی دینی غیرت، قومی وفاداری اور لازوال ایثار کا مظہر ہے، تمام بہادر سپاہیوں، وفادار کولیگز اور بالخصوص اسلامی جمہوریہ ایران کی مسلح افواج کے لازمی سروس کے اہلکاروں کو مبارک ہو جنہوں نے دوسری اور تیسری دفاعِ مقدس کے میدانوں میں اپنی معرکہ آراء اور تاریخ ساز موجودگی کے ذریعے ایثار اور شہادت کی بے مثال داستانوں کو زندہ رکھا ہے۔

مقدس فوجی خدمت ہمیشہ سے اس سرزمین کے غیرت مند نوجوانوں کی پائیدار سیکیورٹی کے قیام، قومی عزت و آزادی کے تحفظ، علاقائی سالمیت کی پاسداری اور اسلامی جمہوریہ کے مقدس نظام کے تحفظ میں باشعور اور مؤمنانہ شرکت کی عملی علامت رہی ہے۔

اسلامی ایران کے سربلند نوجوانوں نے اپنی قومی اور شرعی ذمہ داری کے احساس کے تحت مسلح افواج کے دیگر سپاہیوں اور عوامی بسیج کے ساتھ مل کر نظام کی بقا، قوم کی جان، مال اور ناموس کا دفاع کیا ہے اور اپنی جان اور صحت قربان کر کے غیرت مند ایرانی قوم کے لیے سیکیورٹی اور امن و سکون کو فراہم کیا ہے۔

اس بے مثال قربانی کا نقطۂ عروج تیسری دفاعِ مقدس میں سامنے آیا جہاں اسلامی کے عزیز سپاہی دیگر مجاہدین کے شانہ بشانہ بے مثال بہادری کے ساتھ میدانِ جنگ میں حاضر ہوئے اور اپنی جانیں پیش کر کے اسلامی انقلاب کے بلند نظریات اور عزیز وطن کا دفاع کیا۔

موجودہ حسّاس تاریخی اور اسٹریٹجک حالات میں جب امریکی اور صیہونی سامراج اور اس کے علاقائی اور خطے سے باہر کے حامی، حق کے محاذ کے مقابلے میں اپنے مذموم مقاصد کو پورا کرنے کے وہمی خیال میں مبتلا ہیں، نوجوان سپاہیوں کی مؤثر اور طاقتور موجودگی نے ملک کی دفاعی، سیکیورٹی اور انتظامی صلاحیت میں نمایاں اضافہ اور قومی ڈیٹرنس کی گہرائی میں مزید وسعت پیدا کی ہے۔ ان بہادر اور غیرت مند نوجوانوں پر اللہ تعالیٰ کی رحمت ہو اور ایرانی قوم کی جانب سے انہیں خراجِ تحسین پیش کیا جاتا ہے۔

مجھے فخر ہے کہ ہفتۂ دفاعِ مقدس کے پانچویں دن جو قابلِ فخر نام ’’سپاہی‘‘ سے موسوم ہے، تمام لازمی سروس کے اہلکاروں، ان کے معزز خاندانوں اور بالخصوص شہید اور غازی سپاہیوں کے عظیم خاندانوں کو دلی مبارک باد پیش کرتا ہوں اور بارگاہِ خداوندِ سبحان سے ان کی مزید کامیابی، صحت اور سربلندی کے لیے دعاگو ہوں۔

امید ہے کہ اسلامی ایران کے عزیز نوجوان، رہبرِ معظم اور مسلح افواج کے سپریم کمانڈر حضرت آیت اللہ امام سید مجتبیٰ حسینی خامنہ ای (مدظلہ العالی) کی دانشمندانہ ہدایات کو پیشِ نظر رکھتے ہوئے اور امت کے شہید قائد، حضرت آیت اللہ العظمیٰ امام سید علی خامنہ ای (قدس سرہٗ) کے فکری اور رہنمائی فراہم کرنے والے ورثے کی پیروی کرتے ہوئے، ہمہ جہت جنگی تیاری اور پروفیشنل مہارتیں حاصل کرنے کے لیے مزید کوشش اور جدوجہد کریں، ملک کے ہمہ جہت دفاع اور تمام شعبوں اور سماجی سرگرمیوں میں خدمت کے لیے درکار تیاری اور مہارتیں حاصل کرنے میں ہمیشہ کامیاب رہیں اور عزیز ایران کی ترقی اور طاقت میں اضافے کے راستے کے محافظ بنیں۔

مسلح افواج کے چیف آف اسٹاف اور حضرت خاتم الانبیاءؐ سینٹرل ہیڈکوارٹر کمانڈر

میجر جنرل پائلٹ علی عبداللہی