یمنی عوام کے قتل عام میں فرانس بھی شریک ہے

مقدس دفاع نیوز ایجنسی کی رپورٹ کے مطابق اسلامی جمہوریہ ایران کی وزارت خارجہ کے ترجمان سعید خطیب زاده نے فرانس کی جانب سے خلیج فارس کے عرب ممالک کو بے حساب ہتھیار فروخت کئے جانے کے بارے میں کہا کہ فرانسیسی حکام، خلیج فارس کے عرب ممالک کو بڑی مقدار میں اسلحے فروخت کئے جانے سے اگر پریشان ہیں تو مناسب یہ ہوگا کہ وہ اس بارے میں اپنی پالیسیوں پر نظر ثانی کریں۔

ایران کی وزارت خارجہ کے ترجمان کا کہنا تھا کہ مغربی اسلحوں کےساتھ فرانسیسی ہتھیار بھی ہزاروں یمنیوں کے قتل عام کا سبب بنے ہیں۔

خطیب زاده کے مطابق فرانس، برطانیہ، امریکا اور دوسرے ممالک کی جانب سے ہتھیاروں کی برآمد روکے بغیر مشرق وسطی جیسے حساس علاقے میں امن و استحکام کی امید کرنا بے سود ہے۔