آبنائے ہرمز میں بحریہ کے ڈالفنز کا مشن

دفاعی و سکیورٹی گروپ، دفاع پریس کے مطابق، ایرانی بحریہ کے کمانڈر ایڈمرل «شہرام ایرانی» نے اپنے بیان میں کہا کہ ہماری مقامی طور پر تیار کردہ ہلکی آبدوزیں خطرات، صلاحیتوں اور ضروریات کے مطابق آبنائے ہرمز کے پانیوں میں مکمل جنگی تیاری کے ساتھ پھیلاؤ اور سمندر کی تہہ میں پوزیشن سنبھالے ہوئے ہیں۔

ایڈمرل ایرانی نے مزید کہا کہ سمندر کی تہہ میں طویل مدت تک خاموشی سے موجود رہنا، آبنائے ہرمز کے آبی راستوں میں نگرانی کرنا اور دشمن جہازوں کا تعاقب اور تباہی ان ہلکی آبدوزوں کی صلاحیتوں میں شامل ہے۔

یہ آبدوزیں بحریہ کے افسران اور اہلکاروں کی روزمرہ اصطلاح میں “خلیج فارس کی ڈالفنز” کہلاتی ہیں۔

ایرانی بحریہ کے سربراہ نے مزید کہا کہ “خلیج فارس کی ڈالفنز” نے ملک کی بحری دفاعی طاقت کے اظہار کے لیے “دنا ڈسٹرائر” کے شہداء کی یاد میں ایک آپریشن کے دوران آبنائے ہرمز میں سطحِ آب پر آ کر اپنی موجودگی دکھائی، چند نمائشی جنگی مشقیں انجام دیں اور اس کے بعد دوبارہ سمندر کی گہرائیوں میں جا کر اپنے سپرد کردہ مشن جاری رکھے ہوئے ہیں