امریکہ کے 85 فوجی اہداف کو نشانہ بنایا گیا، آئی آر جی سی

دفاع پریس کے دفاعی اور سیکیورٹی گروپ کے مطابق سپاہ پاسداران انقلاب اسلامی کے شعبۂ تعلقاتِ عامہ نے ایک اعلامیے میں کہا ہے کہ سپاہ کی بحریہ اور ایرو اسپیس فورس نے مشترکہ میزائل اور ڈرون کارروائی کے دوران بحرین کے بندر سلمان، امریکی بحریہ کے ففتھ فلیٹ کے علاقے اور کویت کے علی السالم فضائی اڈے میں امریکی فوج کی 85 اہم عسکری تنصیبات کو تباہ کر دیا جبکہ کارروائی میں مداخلت کی کوشش کرنے والے دشمن کے ایک MQ-9 ڈرون کو بھی مار گرایا گیا۔

امریکی جارحیت کے ابتدائی جواب میں امریکی فوج کی 85 اہم عسکری تنصیبات کو نشانہ بنایا گیا

اعلامیے کا متن درج ذیل ہے:

بسم اللہ قاصم الجبارین

ایرانی قوم کی جانب سے امتِ اسلام کے شہید قائد کی بے مثال، دشمن کے لیے کمر توڑ اور شاندار تشییع کے تاریخی اجتماع کے بعد، جارح امریکی حکومت، جس کی شکست کے آثار روز بروز زیادہ نمایاں ہو رہے ہیں اور جو عراق کی سربلند قوم کے کروڑوں افراد پر مشتمل تاریخی الوداعی اجتماع کو اپنی ایک اور بڑی شکست تصور کرتی ہے، نے ایک بار پھر عہد شکنی کی اپنی پرانی عادت دہرائی۔

اس تاریخی واقعے کے اثرات کو کم کرنے کی غرض سے، امریکہ کی دہشت گرد اور طفل کُش فوج نے آج علی الصبح فضائی حملہ کرتے ہوئے صوبہ ہرمزگان اور ماہشہر کے ساحلی علاقوں میں واقع متعدد ساحلی اڈوں اور غیر فوجی مراکز کو نشانہ بنایا، یوں اس نے کھلم کھلا جنگ بندی کی خلاف ورزی کی اور اسلام آباد مفاہمتی ڈیل کو پامال کر دیا۔

اس جارحیت کے ابتدائی جواب میں سپاہ پاسداران انقلاب اسلامی کی بحریہ اور ایرو اسپیس فورس نے مشترکہ میزائل اور ڈرون آپریشن کے ذریعے بحرین کے بندر سلمان، امریکی بحریہ کے ففتھ فلیٹ کے علاقے اور کویت کے علی السالم فضائی اڈے میں واقع امریکی فوج کی 85 اہم عسکری تنصیبات کو نشانہ بنا کر تباہ کر دیا جبکہ کارروائی میں مداخلت کی کوشش کرنے والے دشمن کے ایک MQ-9 ڈرون کو بھی مار گرایا۔

وَما النَّصرُ إِلّا مِن عِندِ اللَّهِ العَزیزِ الحَکیم