مسلح افواج دشمن کی کسی بھی جارحیت کا تباہ کُن جواب دیں گی
دفاع پریس کے دفاعی اور سیکیورٹی گروپ کے مطابق، حضرت خاتم الانبیاء (ص) سینٹرل ہیڈکوارٹر کے کمانڈر میجر جنرل علی عبداللہی نے ایک پیغام میں سپریم کمانڈر انچیف کے احکامات پر لبیک کہتے ہوئے، انقلاب اسلامی کے اہداف، مقدس اتحاد اور قومی یکجہتی کے تحفظ کے عزم کا اعادہ کیا اور دشمن کی کسی بھی جارحیت کے مقابلے میں مسلح افواج کے فیصلہ کُن اور تباہ کُن ردعمل پر زور دیا۔
پیغام کا متن درج ذیل ہے:
بسم اللہ الرحمن الرحیم
امت کے شہید قائد، ایرانِ اسلامی کے عظیم شہداء اور مزاحمتی محاذ کے شہداء کے واضح اور روشن واستے کے تسلسل میں، ہم ایک بار پھر انقلابِ اسلامی کے دانا اور حکیم رہبر اور مسلح افواج کے سپریم کمانڈر، حضرت آیت اللہ سید مجتبیٰ خامنہای (مدظلہ العالی) سے عہد کرتے ہیں کہ انقلاب اسلامی کے اہداف کے تحفظ، مقدس اتحاد اور قومی یکجہتی کے بارے میں ان کے واضح اور رہنمائی بخش پیغام کو مسلح افواج میں مشعلِ راہ بنائیں گے اور مسلح افواج، عوام اور ملک کی تینوں شاخوں کے مخلص ذمہ داران کے درمیان ہم آہنگی، اتحاد اور یکجہتی کو مزید مضبوط بنانے کے لیے اپنی تمام تر صلاحیتیں اور وسائل بروئے کار لائیں گے تا کہ ایرانی قوم کے مفادات، عوام کے حقوق اور قومی سلامتی کا مؤثر دفاع یقینی بنایا جا سکے۔
اپنے محبوب قائد اور سپریم کمانڈر کی ہدایات اور تدابیر کی مکمل پیروی کرتے ہوئے، ہم سب سے بڑے شیطان اور عہد شکن، مکّار اور مجرم امریکی دشمن کو بھی خبردار کرتے ہیں کہ اس کی ہر قسم کی لالچ، زور زبردستی، بالادستی کی خواہش اور وحشیانہ جارحیت کا سامنا مسلح افواج کے باایمان، بہادر اور مقتدر مجاہدین کے فیصلہ کُن اور تباہ کُن جواب سے ہوگا اور اس پر دوسری اور تیسری مسلط کردہ جنگ سے بھی زیادہ بھاری قیمت عائد کی جائے گی۔
ہمارے عزیز وطن کی دفاعی طاقت ایک طرف غیرت مند اور بہادر ایرانی عوام کے لیے جنوب سے شمال اور مشرق سے مغرب تک امن و سلامتی کی مضبوط ضمانت ہے جبکہ دوسری طرف عوام کی فلاح و بہبود اور خوشحالی کے لیے ملک کے مخلص ذمہ داران کی خدمت اور سرگرمیوں کا مضبوط سہارا بھی ہے۔
دشمن کا کیمپ، مسلسل فوجی شکستوں کے بعد، اب عوام اور ذمہ داران کے درمیان اختلاف اور تفرقہ پیدا کرنے کی امید لگائے بیٹھا ہے کیونکہ سب سے بڑا شیطان اور مجرم امریکہ کی شکست کا انحصار ایران کی داخلی یکجہتی پر ہے۔ اس شیطانی سازش کو ناکام بنا کر دشمن کو مایوس کرنا ہم سب کی مشترکہ اور ناگزیر ذمہ داری ہے۔
اللہ تعالیٰ کی مدد، حضرت ولی عصر (عجل اللہ تعالیٰ فرجہ الشریف) کی عنایت اور ہمارے عزیز رہبر کی حکیمانہ قیادت کے سائے میں، ہم امامِ شہیدِ امت اور دنیا کے حریت پسندوں کی عظیم تشییع کے موقع پر ملت کے بے مثال، تاریخ ساز قومی عزم اور اتحاد کی پوری قوت کے ساتھ حفاظت کریں گے۔
