کویت میں امریکہ کے اسٹریٹجک مراکز فوج کے ڈرون حملوں کا نشانہ بن گئے

دفاع پریس کے دفاعی اور سیکیورٹی گروپ کے مطابق، آپریشن صاعقہ کے ستائیسویں مرحلے میں اور امریکی دہشت گرد فوج کی جانب سے حالیہ جارحیت اور قشم کے جزیرے میں ایک رہائشی مکان پر وحشیانہ حملے کے جواب میں، چند گھنٹے قبل کویت کے احمد الجابر اڈے پر اس فوج کے جنگی طیاروں کے ہینگرز، سیٹلائٹ مواصلاتی سسٹمز اور ساز و سامان کے گوداموں کو ایرانی فوج کے خودکش ڈرونز نے نشانہ بنایا۔

کویت کا احمد الجابر اڈہ امریکہ کی فضائی اور نگرانی کی کارروائیوں میں اہم کردار ادا کرتا ہے اور آپریشنل کردار کے علاوہ امریکی دہشت گرد فوج کے لیے ائیر کوآرڈینیشن کے اہم ترین مراکز میں شمار ہوتا ہے۔

فوج کے شعبۂ تعلقاتِ عامہ نے قشم میں شہریوں کے رہائشی گھروں پر حملے کی شدید مذمت کرتے ہوئے اسے انسانی اصولوں کی کھلی خلاف ورزی اور مکار دشمن کے جنگی جرائم کی ایک اور مثال قرار دیا اور تاکید کرتے ہوئے کہا کہ یہ جرائم، پابندیاں اور دھمکیاں ایران کو اپنے مقدس دفاع میں مزید متحد اور منظم بنائیں گی۔

فوج کے شعبۂ تعلقاتِ عامہ نے مزید کہا کہ فوج اور سپاہ کے فیصلہ کُن، وسیع اور بھرپور حملوں نے جدید ترین ائیر ڈیفنس سسٹمز کے استعمال اور ان کی مزید مضبوطی کے باوجود، دشمن کے لیے ایرانی ڈرونز اور میزائلوں کی روک تھام کو نہایت مہنگا اور دشوار بنا دیا ہے اور شریر دشمن شدید سنسرشپ کے ذریعے نقصانات، ہلاکتوں اور زخمیوں کی خبروں کو منظر عام پر آنے سے روکنے پر مجبور ہے۔