دو خلاف ورزی کرنے والے آئل ٹینکرز کو نشانہ بنا کر روک دیا گیا / مزید چار خلاف ورزی کرنے والے آئل ٹینکر فوری طور پر واپس پلٹ گئے

دفاع پریس کے دفاعی قور سیکیورٹی گروپ کے مطابق، سپاہ پاسداران انقلاب اسلامی کے شعبۂ تعلقاتِ عامہ نے آپریشن نصر 2 کے اعلامیہ نمبر 57 میں دو خلاف ورزی کرنے والے آئل ٹینکرز کو نشانہ بنائے جانے اور ان کے روک دیے جانے کی اطلاع دی ہے

اعلامیے کا مکمل متن درج ذیل ہے:

بسم اللہ قاصم الجبارین

»وَ قَاتِلُوهُمْ حَتّٰی لَا تَكُونَ فِتْنَةٌ«

ایرانِ اسلامی کی غیرت مند اور تاریخ ساز عوام!

سپاہ کی بحریہ، آبنائے ہرمز پر مکمل کنٹرول برقرار رکھتے ہوئے آپ، یعنی مؤمن اور بیدار ایرانی قوم کی اس امانت کی مسلسل حفاظت کر رہی ہے۔

آج صبح کے ابتدائی حصے میں، سینٹکام کی گمراہ کُن ترغیبات سے متاثر ہو کر دو خلاف ورزی کرنے والے آئل ٹینکرز نے یہ تصور کیا کہ وہ ہماری وارننگ کو نظر انداز کرتے ہوئے امریکی قاتل اور دہشت گرد فوج کی فضائی حفاظت میں غیر اعلان شدہ راستے سے غیر محفوظ اور غیر قانونی راستے پر حرکت کر کے آبنائے ہرمز عبور کر سکتے ہیں لیکن انہیں نشانہ بنا کر روک دیا گیا جبکہ مزید چار آئل ٹینکرز نے فوری طور پر اپنا راستہ تبدیل کیا اور اپنی سابقہ پوزیشن کی طرف واپس لوٹ گئے۔

گزشتہ شب سینٹکام کے جھوٹے بیان کے جواب میں ہم نے تمام شپنگ اور انشورنس کمپنیز کے مالکان کو مطلع کیا تھا کہ سینٹکام کے اعلامیوں پر توجہ نہ دیں اور ان لوگوں سے سبق حاصل کریں جو اس کے دھوکے میں آ کر حادثے کا شکار ہوئے ہیں۔

سپاہ کی بحریہ ایک بار پھر خبردار کرتی ہے کہ خطے میں امریکی قاتل فوج کی جانب سے جہازوں کے خلاف غیر قانونی مداخلت اور احکامات کا سلسلہ بنا جواب کے نہیں رہے گا۔

وَمَا النَّصْرُ إِلَّا مِنْ عِندِ اللَّهِ الْعَزِيزِ الْحَكِيمِ