ائیر ڈیفنس کے ساز و سامان کی فہرست مکمل کرنے کا کام تیزی سے جاری ہے، جنرل الہامی
دفاع پریس کے دفاعی اور سیکیورٹی گروپ کے رپورٹر سے گفتگو کرتے ہوئے، حضرت خاتم الانبیاءؐ سینٹرل ہیڈکوارٹر اور اسلامی جمہوریہ ایران کی فوج کی ائیر ڈیفنس فورس کے کمانڈر جنرل علی رضا الہامی نے کہا کہ حالیہ جنگوں کے تجربات کو ملک کی دفاعی مصنوعات کی تیاری میں مکمل طور پر بروئے کار لایا گیا ہے۔ انہوں نے کہا
12 روزہ مسلط کردہ جنگ اور جنگِ رمضان نے ہماری دفاعی مصنوعات کی استعداد اور معیار کو بہتر بنانے میں انتہائی اہم کردار ادا کیا ہے۔
جنرل الہامی نے مزید کہا، ہماری جو مصنوعات پہلے سے دستیاب تھیں، انہیں میدانِ جنگ کی ضروریات کے مطابق تبدیل اور اپ گریڈ کیا گیا ہے۔ لہٰذا آج ہم پورے اعتماد کے ساتھ کہہ سکتے ہیں کہ اسلامی جمہوریہ ایران میں مختلف شعبوں، بشمول وزارتِ دفاع اور نالج بیسڈ کمپنز میں جو کچھ تیار کیا جا رہا ہے، وہ میدانِ جنگ کی موجودہ ضروریات کے عین مطابق ہے۔
حضرت خاتم الانبیاءؐ سینٹرل ہیڈکوارٹر کے کمانڈر نے ائیر ڈیفنس کے ساز و سامان کی فہرست مکمل کرنے کے عمل کی جانب اشارہ کرتے ہوئے تصریح کی:
ائیر ڈیفنس کی بعض ضروریات ابھی حتمی مصنوعات میں تبدیل نہیں ہوئی ہیں، تاہم اس کے مطالعاتی مراحل تیزی سے طے ہو رہے ہیں اور ہم کوشش کر رہے ہیں کہ مستقبل قریب میں ملکی ساز و سامان کی فہرست کو تمام مطلوبہ شعبوں میں مکمل کر دیا جائے۔
