سراوان شہر میں ایک دہشت گرد ٹیم تباہ
دفاع پریس کے دفاعی اور سیکیورٹی گروپ کی رپورٹ کے مطابق، آئی آر جی سی کی بری فوج کی قدس ہیڈکوارٹر کے شعبۂ تعلقاتِ عامہ کے حوالے سے بتایا گیا ہے کہ عوام کی جانب سے موصول ہونے والی معلومات اور درست انٹیلیجنس مانیٹرنگ قائم کیے جانے کے بعد، ایک دہشت گرد ٹیم کی شناخت کی گئی جو سراوان میں دہشت گردانہ کارروائی کی منصوبہ بندی کر رہی تھی۔ اس ٹیم کو آج سہ پہر کارروائی کے دوران نشانہ بنایا گیا۔
قدس ہیڈکوارٹر کے سپاہیوں جن میں آئی آر جی سی،انٹیلی جنس کے جنرل ڈائریکٹوریٹ اور فراجا شامل تھے، کی مشترکہ آپریشنل کارروائی میں وطن کے غدار دہشت گردوں میں سے پانچ افراد ہلاک ہو گئے جبکہ متعدد دہشت گردوں کو گرفتار بھی کر لیا گیا۔ اس جھڑپ کے دوران قدس ہیڈکوارٹر کا ایک مجاہد بھی شہادت کے رتبے پر فائز ہو گیا۔ علاوہ ازیں، اس ٹیم کی خفیہ پناہ گاہ سے متعدد ہتھیار اور کچھ مقدار میں گولہ بارود برآمد کیا گیا۔
یہ بات یاد دلانا ضروری ہے کہ یہ ٹیم امریکہ اور بدنام صیہونی حکومت کی منصوبہ بندی کے تحت صوبے میں دہشت گردانہ کارروائیاں کرنے اور صوبہ سیستان و بلوچستان میں ناامنی پیدا کر کے اپنی ناکامیوں پر پردہ ڈالنے کا ارادہ رکھتی تھی۔
سپاہ کی بری فوج کی قدس ہیڈکوارٹر نے اعلان کیا ہے کہ وہ علاقے کے لوگوں کے تعاون اور صبر و تحمل پر ان کا شکریہ ادا کرتے ہوئے واضح کرتی ہے کہ جیسا کہ گزشتہ بیانات میں بھی تاکید کی گئی ہے، صوبہ سیستان و بلوچستان کے عزیز لوگوں کی سلامتی کو نقصان پہنچانا نظام کی سرخ لکیر ہے۔ وطن کے ساتھ غدار گروہوں کی دہشت گرد ٹیمیں انٹیلیجنس کی مانیٹرنگ کے تحت ہیں اور مناسب وقت پر ان کے خلاف کارروائی کی جائے گی۔
