لیسٹر سٹی میں دھماکہ مرنے والوں اور زخمیوں کی تعداد میں اضافہ

مقدس دفاع نیوز ایجنسی کی بین الاقوامی رپورٹر رپورٹ کے مطابق لیسٹر سٹی میں دھماکے سے دو عمارتیں تباہ ہوگئیں جن میں اب تک چار افراد کے ہلاک ہونے کی تصدیق ہو چکی ہے جبکہ دو عمارتیں مکمل طور پر تباہ ہو گئی ہیں-

برطانوی پولیس کا کہنا  ہے کہ دھماکے سے تباہ ہونے والی عمارتوں کے منہدم ہو جانے اور ان میں آگ لگنے سے چار افراد ہلاک اور چار دیگر زخمی ہوئے ہیں-

پولیس نے ان عمارتوں کے آس پاس کی ساٹھ عمارتوں اور مکانات کو خالی کرا لیا ہے اور کہا ہے کہ اگرچہ یہ واقعہ دہشت گردی کا نہیں معلوم ہو رہا ہے تاہم وہ اس کو ایک بڑے واقعے کے طور پر دیکھ رہی ہے-

برطانوی میڈیا کا بھی کہنا ہے کہ دھماکے کی وجہ معلوم نہیں ہو سکی ہے۔ دھماکہ گیس لکیج کے باعث بھی ہو سکتا ہے- جائے حادثہ  کی جانب جانے والے راستوں کو پولیس نے بند کر دیا ہے-

پیغام کا اختتام/