ضرورت پڑنے پر دشمن کے بحری جہازوں کو نشانہ بنائیں گے، ایڈمرل سیاری
دفاع پریس کے دفاعی اور سیکیورٹی گروپ کی رپورٹ کے مطابق، اسلامی جمہوریہ ایران کی فوج کے چیف آف سٹاف اور نائب کوآرڈینیٹر ایڈمرل حبیب اللہ سیاری نے ایک گفتگو کے دوران دشمن کے بحری جہازوں کے خلاف مسلح افواج کی کارروائیوں کا حوالہ دیتے ہوئے کہا: "اگر انہوں نے دوبارہ ایران کے خلاف کوئی کارروائی کی تو ہم انہیں کاری ضرب لگائیں گے۔"
ایڈمرل سیاری نے اس بات پر تاکید کرتے ہوئے کہ ایرانی بے بس نہیں ہیں اور ان کے پاس ایسے وسائل اور صلاحیتیں موجود ہیں جن کا دنیا بھر میں چرچا ہے، مزید کہا: "ہم پوری طاقت کے ساتھ اپنا دفاع کریں گے اور جہاں بھی دشمن کو ضرب لگانا ضروری ہوا، وہاں کارروائی کریں گے۔"
ایرانی فوج کے نائب کوآرڈینیٹر نے دشمن کی مسلسل دھمکیوں اور ایران کے خلاف اس کی متعدد معاندانہ کارروائیوں کا حوالہ دیتے ہوئے کہا: "ایرانی قوم نے دشمنوں پر ثابت کر دیا ہے کہ وہ ان کے سامنے ڈٹ کر کھڑی رہے گی اور مشکلات کو برداشت کرے گی تا کہ اپنی عزت و ناموس، انقلاب اور ایران کی علاقائی سالمیت کا تحفظ کر سکے۔"
